Që prej orës 09:00 kanë nisur seancat dëgjimore me 11 kandidatët për drejtor të përgjithshëm të policisë. Procesi po monitorohet edhe nga ndërkombëtarët, misioni asistues policor ICITAP i SHBA dhe EU4LAW.
Gazetari Igli Çelmeta raporton se Komisioni i posaçëm i përbërë nga një zv.ministër i brendshëm, sekretari i përgjithshëm i policisë së Shtetit dhe kreu i AMP, pas përfundimit të seancave dëgjimore do të bëjnë vlerësimin e kandidatëve me pikë. Më pas një nga kandidatët më me shumë pikë, do i propozohet kryeministrit nga ministri i Brendshëm për të marrë drejtimin e policisës së shtetit.
Mbikqyrja po kryhet nga misioni “EU4LEA”, ndërkohë që dy organizmat kryesore janë Departamenti Amerikan i Shtetit dhe Misioni europian.
Kandidatët në garë për drejtor të Policisë së Shtetit:
1-Adriatik Tafçiu
2-Altin Mena
3-Ardian Çipa
4-Gentjan Shehaj
5-Idajet Faskaj
6-Ilir Proda
7-Lutfi Minxhozi
8-Neritan Nallbati
9-Pëllumb Seferi
10-Rebani Jaupi
11-Skënder Hita
Më herët nga gara u skualifikuan 4 kandidatë, pasi nuk plotësonin kriteret sipas ligjit të ri për numrin një të Policisë së Shtetit.
Kandidatet e skualifikuar:
1-Shemsi Prençi
2-Ibrahim Disha
3-Hajrulla Xhivini
4-Sami Rasha
/BalkanWeb
