Këshilli i Lartë i Prokurorisë miratoi unanimisht në mbledhjen e sotme plenare drejtuesit e 3 zyrave të prokurorive, përmes procedurës së caktimit të përkohshëm.
Mbledhja u zhvillua në prezencë të të gjithë anëtarëve si dhe përfaqësuesve nga Ministria e Drejtësisë dhe misioni i asistencës EU4JUSTICE.
Me propozim të Komisionit të Zhvillimit të Karrirerës, respektivisht, u caktuan të ushtrojnë përkohësisht, për një afat 3-mujor, detyrën e drejtuesit të prokurorisë:
Edina Kurti në Prokurorinë pranë Gjykatës së Shkallës së Parë të Juridiksionit të Përgjithshëm Berat;
Albert Murçaj në Prokurorinë pranë Gjykatës së Shkallës së Parë të Juridiksionit të Përgjithshëm Shkodër;
Kreshnik Ajazi në Prokurorinë pranë Gjykatës së Shkallës së Parë të Juridiksionit të Përgjithshëm Elbasan./ata
