Në një kohë kur pjesën më të madhe të ditës sonë e kalojmë përpara ekraneve të pajisjeve tona digjitale, qoftë të rinj apo të vjetër në moshë, ekziston rreziku i krijimit të “demencës digjitale”.

Eksperti, psikologu social Jonathan Haidt paralajmëron se kjo demencë kërcënon të gjitha moshat, veçanërisht fëmijët.

Mund të mos jetë një diagnozë zyrtare, por simptomat e saj të kujtojnë shenjat e Alzheimerit.

Por cilat janë simptomat e saj?

Haidt liston:

  • rënien e aftësisë për t’u përqendruar
  • izolimi social
  • mungesa e motivimit
  • çrregullimet e kujtesës
  • zemërim pa ndonjë arsye të dukshme
  • ankth
  • depresion 
  • vonesë zhvillimi

Si ta mbrojmë veten?

Reduktimi i kohës mbi pajisjet digjitale është hapi i parë që duhet ndërmarrë nga të gjithë ne. Duhet të kanalizojmë veten në aktivitete që ushtrojnë trupin dhe mendjen tonë, si për shembull, leximi i librave, lojërave dhe enigmave.

“Për fëmijët loja është vendimtare. Kështu, sytë dhe mendjet e tyre punojnë në botën tredimensionale, atyre u kërkohet të lexojnë gjuhën e trupit dhe shenja të tjera sociale dhe truri i tyre është i mbushur me stimuj fizikë, jo vetëm vizualë”, shprehet psikologu Haidt./GazetaShqiptare