Mësuese vullnetare po vazhdojnë të mësojnë fëmijët në klasë të rrënuar në shkollën Tabariya në Khan Younis në jug të Rripit të Gazës, e cila u shkatërrua në masë të madhe në një sulm të ushtrisë izraelite, ndërsa ofensiva mbushi një vit më 7 tetor.
Edukatorët vullnetarë po përpiqen të mbajnë fëmijët të lidhur me arsimin, ndërkohë që shkolla është në rrënoja.
Agjencia e OKB-së për refugjatët palestinezë (UNRWA) ka raportuar se 200 shkolla janë mbyllur që nga fillimi i sulmeve izraelite.
Që nga fillimi i luftës në Gaza vitin e kaluar, Izraeli në sulmet e tij nuk i ka kursyer as objektet vitale, si shkolla, spitale, xhami, kisha dhe vendbanime civile.
Mbi 42 mijë palestinezë kanë humbur jetën nga sulmet që nga 7 tetori i vitit të kaluar pas një sulmi nga grupi palestinez Hamas.
Sulmet izraelite kanë zhvendosur pothuajse gjithë popullsinë e Rripit të Gazës, krahas një bllokade të vazhdueshme që ka çuar në mungesa të mëdha të ushqimit, ujit të pastër dhe ilaçeve.
Izraeli përballet me një çështje gjenocidi në Gjykatën Ndërkombëtare të Drejtësisë (GJND) për veprimet e tij në Gaza./aa
