Sfida Apolonia – Kinostudio përmbylli javën e katërt të kampionatit të futbollit të vajzave. Ndeshja e luajtur në aneksin e stadiumit ‘Loni Papuçiu’ përfundoi me fitoren e thellë të fierakeve 10-0.
Po sot u luajt ndeshja tjetër e javës, Laçi – Gramshi, që u mbyll me triumfin e gramshioteve, 0-13. Këto të fundit kanë ndërtuar një ekip mjaft konkurrues këtë sezon.
Sigurisht sfida që spikati këtë javë të katërt ishte derbi Partizani – Tirana, një ndeshje mjaft interesante. Në fund, tri pikët i takuan ekipit të kuq, pas fitores 6-0 në stadiumin ‘Arena e Demave’. Ekipi i drejtuar nga trajnerja Aurora Seranaj dominoi të dyja pjesët, duke realizuar 4 gola në pjesën e parë dhe dy në të dytën.
Në dy ndeshjet e tjera të javës, kampionia në fuqi e kampionatit, Vllaznia mposhti me shifrat e thella 14-0 Lushnjën në shtëpi, ndërsa Egnatia mori një fitore të bukur në transfertën e Durrësit, ku mundi Teutën me rezultatin 8-2.
Rezultatet e ndeshjeve të javës së katërt:
Partizani 6-0 Tirana
Vllaznia 14-0 Lushnja
Teuta 2-8 Egnatia
Laçi 0-13 Gramshi
Apolonia 10-0 Kinostudio
/ata
