Ashtu siç ishte planifikuar, anija ‘Libra’ mbërriti në brigjet e Lampedusa dhe brenda jo më shumë se dy orësh duhet të fillojë të ashtuquajturat "rikuperime", përzgjedhja e meshkuj të rritur nga vendet e identifikuara si të sigurta në bazë të dekretit të ri në Shqipëri.

Stafi mjekësor, ndërmjetësit, operatorët e IOM-it  dhe vëzhguesit e UNHCR-së kanë hipur tashmë në varkën patrulluese këtë mëngjes që do t'i shoqërojë ata në Libra, që ndodhet 20 milje në jug të Lampedusës. Brenda disa orësh ata duhet të jenë në bord, vetëm atëherë mund të fillojnë operacionet.

Deti është plot me varka të vogla dhe dhjetëra raporte për emergjenca në det kanë nisur të mbërrijnë në kanalin 16.

Me rikthimin e motit të mirë, kalimet filluan sërish. Vetëm mes mesnatës dhe agimit të së hënës, varkat e para mbërritën nga Libia me gjithsej 118 persona në bord, duke përfshirë shumë sirianë, afganë dhe pakistanezë, si dhe egjiptianë dhe burra e gra nga Magrebi. Dy arritën të mbërrijnë vet, dy të tjerë u shpëtuan në det të hapur.

Por tashmë nga e diela do të nisin të mbërrijnë vazhdimisht varka të vogla dhe gomone. Gjatë ditës së djeshme, Financat dhe Roja Bregdetare shpëtuan tre mjete detare, mes të cilave një nga varkave prej hekuri që po tentonin të arrinin në ishull.

Mbërritjet në rrugën Tuniziane

Në bordin e varkës së parë të vogël kishte 39 persona, duke përfshirë 12 gra dhe 12 të mitur të pashoqëruar, të gjithë tunizianë që u larguan nga Mahdia në agimin e një dite më parë, kur era ndaloi dhe deti filloi të qetësohej. Disa orë më vonë, një varkë prej hekuri arriti të mbërrinte nga jashtë ishullit.

Në bord ndodheshin 51 persona, përfshirë dhjetë fëmijë, të gjithë jashtëzakonisht të lodhur. Varkat prej hekuri janë predha të paqëndrueshme, gjithçka që duhet është një valë pak më e lartë, një lëvizje pak më e papritur e atyre që janë në bord dhe ato fillojnë të marrin ujë dhe më pas fundosen në pak minuta.

Këto janë udhëtime të klasit të dytë, ato të destinuara për nën-Saharianët, të gatshëm të bëjnë gjithçka për të shmangur dëbimet në shkretëtirë që janë bërë rregull në Tunizi. Në skelën Favaloro në Lampedusa, burra dhe djem nga Liberia, Senegali, Mali, Bregu i Fildishtë dhe Guinea Conakry u rreshtuan. Pesëdhjetë nën-Saharianë të tjerë, duke përfshirë pesë gra dhe dymbëdhjetë fëmijë që udhëtonin vetëm, mbërritën në Lampedusa në orët e vona të pasdites.

Asnjë prej tyre nuk do të kishte qenë “kandidatë” për t’u transferuar në Shqipëri, asnjë nga vendet e tyre të origjinës nuk është në listën e 19 vendeve që konsiderohen të sigurta.

Por rruga që niset nga Sfax, Mahdia apo ishujt Kerkennah është rruga që thuhet se duhet të monitorohet më shumë. Përveç sub-saharianëve, të akuzuar publikisht nga presidenti Kais Saied si "një armë e zëvendësimit etnik" të përdorur për të shtrembëruar identitetin arab të vendit dhe për këtë arsye viktimë e një fushate të vërtetë kriminalizimi për më shumë se një vit, ka gjithnjë e më shumë tunizianë që përpiqen të largohen nga vendi.

I konfirmuar për një mandat të dytë me përqindje bullgare, Saied nuk tregon asnjë shenjë për të liruar kontrollin represiv që ka dërrmuar vendin për të paktën dy vjet dhe ka sjellë në burg avokatë, sindikalistë, gazetarë dhe kundërshtarë, ndërkohë që një krizë ekonomike gjithnjë e më e thellë ka tharë efektivisht burimet dhe shpresat e klasës së mesme gjithashtu. Si rezultat, gjithnjë e më shumë njerëz po kërkojnë një të ardhme në anën tjetër të detit.

Guardia di Financa tashmë patrullonë detin

Por ndryshe nga shumë vende evropiane, Italia e konsideron Tunizinë një "vend të sigurt", me qeverinë e Kais Saied ka marrëveshje që garantojnë riatdhesime të shpejta, të vetmet që mund të lejojnë qeverinë të pohojë se operacioni në Shqipëri ka kuptim, pavarësisht kostove monstruoze mbi të cilat , pas ankesave të paraqitura nga Iv dhe Cinque Stelle , Gjykata e Audituesve do të duhet të vendosë. Dhe manovrat duket se kanë nisur në Lampeduza, me anijet e para patrulluese të Financave që patrullojnë detin./ La Reppublica / Shqiptarja