Menaxhmenti i spitalit "Al-Awde" në veri të Rripit të Gazës njoftoi se po lufton për t'u kujdesur për dhjetëra të plagosur në kushte të vështira për shkak të gjenocidit të kryer nga ushtria izraelite në rajon.
Drejtori i spitalit "Al-Awde", Muhammed Salih për Anadolu tha se spitali ka më shumë se 3 muaj që po përballet me një mungesë serioze të barnave dhe materialeve mjekësore.
Ai tha se gjeneratori i vogël që kanë përdorur për të operuar spitalin në nivel minimal është prishur mëngjesin e djeshëm, ndaj është dashur të përdorin gjeneratorin e madh, i cili "ka konsumim të lartë të karburantit" dhe kanë kryer 4 operacione të pacientëve të plagosur rëndë.
Salih shpjegoi se meqenëse Izraeli kishte në shënjestër ekipet dhe automjetet e ambulancës, të plagosurit u transportuan në spital nga qytetarët në këmbë ose me automjete primitive dhe se kjo vonoi kujdesin mjekësor.
Drejtori i spitalit theksoi se i kanë bërë thirrje Organizatës Botërore të Shëndetësisë që spitalit t'i sigurojë karburant, ilaçe, mjete mjekësore dhe ndihma ushqimore./aa
