Të paktën 16 palestinezë humbën jetën në sulmet që ushtria izraelite kreu në rajone të ndryshme të Rripit të Gazës.
Sipas informacioneve të marra nga burimet shëndetësore, 11 persona humbën jetën dhe shumë të tjerë u plagosën në sulmet e artilerisë që ushtria izraelite kreu ndaj rajonit Beit Lahia në veri të Gazës.
Palestinezët e vrarë dhe të plagosur në sulm u sollën në spitalin "Kamal Adwan" në veri të Gazës. Dy palestinezë humbën jetën në sulmin ajror të ushtrisë izraelite në lagjen Shujaiyya në qytetin e Gazës.
Një person humbi jetën në sulmin me dron në qytetin Rafah dhe dy të tjerë humbën jetën në sulmet me dron ndaj kampit të refugjatëve Nuseirat në rajonin qendror të Rripit të Gazës./aa
