Të dielën, banorëve të qytetit verior gjerman të Hamburgut u është thënë që të mbyllin dritaret dhe dyert. Nuk dihen ende shkaqet e zjarreve në magazina, shkruan Deutsche Welle.
Zjarrfikësit në qytetin port gjerman të Hamburgut bën një paralajmërim të dielën në mëngjes, pasi flakë të mëdha shkaktuan tym dhe gazra të rrezikshëm. Sipas mediave gjermane, dy magazina të vendosura pranë një stacioni kamionësh në Rothenburgsort janë djegur që në orët e para të mëngjesit.
Zjarri dhe tymi u klasifikuan si "rrezik ekstrem" në një paralajmërim zyrtar.
Njerëzit u evakuuan pas një rrjedhjeje gazi toksik
Transmetuesi publik lokal NDR raportoi se nga vendi po rridhte sulfur hidrogjeni, sipas hetimeve fillestare. Zjarrfikësit arritën në vendngjarje vetëm me respiratorë.
"Qendra e qytetit të Hamburgut është plotësisht në errësirë," tha një zëdhënës i departamentit të zjarrfikësve për agjencinë gjermane të lajmeve DPA, pasi raportet thanë se shtëllungat e tymit po shkonin drejt qendrës.
Një zëdhënës i policisë i tha agjencisë Reuters se nuk ishte ende e mundur të vlerësohej plotësisht rreziku i shkaktuar nga zjarri, por shtoi se 140 njerëz ishin evakuuar nga zona.
Veshja e qiellit e bënte të vështirë dallimin midis tymit dhe reve.
Zjarri ndërpreu qarkullimin e trenave
Banorëve të Hamburgut iu tha të mbanin dyert dhe dritaret e tyre të mbyllura, të fiknin sistemet e ajrit të kondicionuar dhe të mbyllnin kanalet e ajrit.
Operatori gjerman hekurudhor Deutsche Bahn tha se kishte ndërprerë linjën midis Hamburgut dhe qytetit të afërt të Büchen për shkak të zjarrit.
Trenat midis Hamburgut dhe Berlinit gjithashtu u devijuan dhe pritej të kishte vonesa deri në 60 minuta.
NDR raportoi se kishte shpërthime të shumta dhe u vendosën gjashtë makina zjarrfikëse për të shuar flakët.
