Presidentja e Kosovës, Vjosa Osmani, bëri një deklaratë me krenari, lehtësim dhe besim për të ardhmen e Kosovës, pas vendimit të Parlamentit Europian për liberalizimin e vizave të këtij shteti të ri duke filluar nga 1 janari i vitit 2024.
Osmani shkroi në Fb: "Vendimi i sotëm final për liberalizimin e vizave për qytetarët e Kosovës është fitore, jo vetëm për vendin tonë, por për vetë demokracinë dhe unitetin në Evropë. Ky vendim është meritë e popullit të Kosovës, vendosmërisë së pashembullt të treguar përgjatë viteve, pavarësisht vonesave dhe padrejtësive të ndryshme.
Më 1 janar 2024, qytetarët tanë më në fund do të ndihen të barabartë me popujt tjerë evropian, për të lëvizur lirshëm në kontinentin që ata i përkasin, e për të cilin kanë kontribuar ndër shekuj. Tanimë, lëvizja në shtetet evropiane është më e lehtë, familjet tona janë më afër dhe mundësitë për avancim e bashkëpunim më të mëdha."
