Një ngjarje e rendë ka ndodhur në fabrikën e prodhimit të makinave të Mercedes Benz në Sindelfingen të Gjermanisë, mëngjesin e së enjtes.
Policia mbylli vendin e ngjarjes, ndërsa mbërritën dy helikopterë dhe disa mjekë.
Një person ka mbetur i vdekur ndërsa një person tjetër është në gjendje të rëndë, sipas burimeve policore.
Ende nuk dihet motivet e sulmit, ndërsa autori është arrestuar.
Policia shkroi në Twitter pak para orës 9 të mëngjesit se operacioni po vazhdonte në ambientet e fabrikës dhe se policia dhe shërbimet e urgjencës ishin në vendngjarje.