Një djalë tre vjeçar i zhdukur është gjetur t i vdekur në ujë pranë shtëpisë së tij, ka zbuluar policia.
Mykell Richardson u zhduk të dielën dhe u organizua një kërkim i madh policor. Ai u pa për herë të fundit midis orës 15:30 dhe 16:30 të dielën dhe u gjet pas 24 orësh.
Fëmija nga Elkton në Cecil Count, në shtetin amerikan të Maryland, u zbulua në ujë jo shumë larg shtëpisë së tij, thanë zyrtarët e policisë.
Në një deklaratë, policia tha: Departamenti i Policisë Elkton është i pikëlluar të raportojë këtë pasdite rreth orës 15:00, anëtarët e ekipit të zhytjes të Policisë së Shtetit të Maryland gjetën 3-vjeçarin Mykell Richardson të vdekur në një kanal pranë shtëpisë së tij. Agjencia jonë dëshiron t’i shprehë ngushëllimet më të thella familjes në këtë kohë të vështirë.
Mykell ishte parë për herë të fundit i veshur me një këmishë të gjelbër e me mëngë të gjata.
Në një lajm të ngjashëm tragjik sonte, policia në Masaçusets ka gjetur trupin e një djali katërvjeçar të zhdukur, i cili u zhduk teksa luante me gjyshin dhe motrën e tij në një park.
Djali, i cili ishte autik, ishte me motrën e tij më të madhe dhe gjyshin duke luajtur në një park në ishullin Castle rreth orës 19:00 të së dielës pranë vendit kur u zhduk.
Gjyshi i tij thirri policinë dhe raportoi se nipin e tij ishte zhdukur pasi nuk ishte në gjendje ta gjente.
