Manchester City ka eliminuar Real Madridin nga gjysmëfinalja e Ligës së Kampionëve për të kaluar në finalen e madhe.
Ndeshja e parë në Madrid kishte përfunduar baras 1-1, derisa në të kthimit City e demoloi gjigantin spanjoll duke e mposhtur 4-0.
Fitores së Cityt i janë gëzuar edhe tifozët e Barcelonës, për faktin se kanë eliminuar rivalin e tyre më të madh, por edhe për Pep Guardiolën një legjendë e katalunasve.
Këtë e ka pranuar edhe trajneri i Barcelonës, Xavi Hernandez që ka thënë se janë gëzuar suksesit të Guardiolës pasi City sipas tij është skuadra më e mirë në botë.
“Për katalanasit ishte një gëzim, por ne profesionistët i kushtojmë shumë rëndësi kampionatit”.
“Ajo që ka rëndësi nuk është se Reali humb, rëndësi ka të shohësh gëzimin e tifozëve. City e meritoi, ishte shumë më superior. Është skuadra më e mirë në botë”, u shpreh Xavi.
