Politikanët e Malit të Zi po këkrojnë të fitojnë mbështetje për zgjedhjet e përgjithshme të 11 qershorit me kërcënime për Kosovën. Se fundmi ka qenë politikani pro-serb Millan Knezheviç, drejtuesi i listës “Për të Ardhmen e Malit të Zi”, i cili ka deklaruar se “me nderin më të madh” do ta nënshkruante tërheqjen e njohjes së Kosovës.
“Nuk është sekret” nëse vetëm koalicioni për Ardhmen e Malit të Zi do të kishte 41 deputetë, dhe ai do të zgjidhej kryeministër, do të firmoste vendimin për tërheqjen e njohjes së Kosovës “me nderin më të madh”, ka thënë Knezheviç.
Knezheviç, i cili ishte personi i parë që u vizitua nga Presidenti i Serbisë, Aleksandar Vuçiç, në rastin e ditës së inaugurimit të Presidentit Jakov Milatoviç, mori zemër në këtë drejtim. “Edhe po të ishte dita e fundit e jetës sime do ta nënshkruaja çnjohjen”, u shpreh ai, raporton “Pobjeda“.
Në një tryezë të ashtuquajtur “akademike” me titullin “Mali i Zi dhe njohja e shtetit të rremë të Kosovës”, Knezheviç tha se e kupton që është “politikisht përfituese për të heshtur rreth Kosovës”.
“Pavarësisht se sa fishkëllojnë dhe pavarësisht se të dhemb koka, shtiru se gjithçka është në rendin më të mirë. Sepse kur zgjedhjet të kenë përfunduar dhe votat të jenë numëruar, në vend se të shkojnë te populli dhe në Kuvend, dikush do të shkojë nëpër ambasada dhe të pyes: ‘Po çka të bëjmë ne me koalicionin “Për të Ardhmen e Malit të Zi”, sepse ata nuk e njohin Kosovën’”, ka thënë Knezheviç.
