Arrestohet 36-vjeçari, kërcënoi me thikë të moshuarin në Vaun e Dejës

Një 36-vjeçar ka rënë në prangat e policisë pasi ka kanosur me thikë për motive të dobëta një 65-vjeçar.

Ngjarja ka ndodhur të premten në fshatin “Fshat i Ri” në Vaun e Dejës.

Policia bën me dije se të riut i është sekuestruar mjeti prerës në cilësinë e provës materiale.

Njoftimi i Policisë:

Kanosi me mjet prerës (thikë), për motive të dobëta, një 65-vjeçar, arrestohet autori dhe sekuestrohet mjeti prerës.

Specialistët për Hetimin e Krimeve të Komisariatit të Policisë Vau i Dejës, menjëherë pas marrjes dijeni për një rast kanosjeje në fshatin Fshat i Ri, Vau i Dejës, kanë organizuar punën dhe kanë mbërritur në vendngjarje, me qëllim kapjen e autorit të këtij rasti.

Si rezultat i veprimeve të shpejta procedurale, u arrestua shtetasi A. M., 36 vjeç, banues në fshatin Fshat i Ri, Vau i Dejës, pasi dyshohet se më datë 20.05.2023, pas një konflikti për motive të dobëta, në këtë fshat, ka kanosur me mjet prerës (thikë), shtetasin Gj. L., 65 vjeç, banues në Shkodër.

Në cilësinë e provës materiale u sekuestrua mjeti prerës me të cilin dyshohet se u krye kanosja.