Ka përfunduar seanca gjyqësore e ditës së sotme në GJKKO për Fredi Belerin, për të cilin do të vendoset mas e sigurisë.
GJKKO ka caktuar masën e sigurisë arrest në burg për Fredi Belerin, kryetarin e zgjedhur të Bashkisë së Himarës.
Beleri edhe pse i arrestuar, fitoi zgjedhjet për kryetar bashkie në Himarë. Ai u transferua nga paraburgimi i Vlorës në Tiranë, ndërsa mbrohet nga avokatët, Edmond Dema dhe Geni Gjyzari.
Kujtojmë që Beleri u arrestua dy ditë para zgjedhjeve të 14 majit me akuzën për korrupsion zgjedhor. Ai ishte denoncuar në Prokurori nga një person, i cili kishte treguar se i ishin ofruar para për vota.
Sipas prokurorisë, Beleri iu premtonte qytetarëve se në këmbim të votës do t’i përfshinte në skema për përfitimin e shtetësisë greke dhe të pensionit nga shteti grek.
