Presidenti Recep Tayyip Erdoğan ka kaluar në zgjedhjet e tjera liderin e CHP Kemal Kılıçdaroğlu.
Kreu i CHP-së, Kemal Kılıçdaroğlu ka dhënë një deklaratë pas zgjedhjeve.
“Njerëz të mi të dashur, nuk munda të lija të humbiste e drejta juaj. Nuk e bëra.
Unë jam vëlla, shok, bir, xhaxha, para së gjithash si njeri i kësaj toke kam luftuar gjithmonë për të drejtat tuaja, për ligjin tuaj, që të mos ju shtypë njeri dhe unë do të vazhdoj ta bëj këtë.
Unë kam një kërkesë nga ju. Mbështetni luftën për demokraci për veten tuaj, fëmijët tuaj, pensionistët, nënat, baballarët, fermerët dhe tregtarët tuaj.
Kemi përjetuar procesin më të padrejtë zgjedhor në vitet e fundit. Të gjitha mjetet e shtetit u mobilizuan në një parti. Dëshiroj të shpreh mirënjohjen time të përzemërt për kryetarët e nderuar të Aleancës Kombëtare, organizatat e tyre, votuesit tanë dhe të gjithë qytetarët e mi që u kujdesën për kutitë e votimit, që luftuan kundër këtyre presioneve morale dhe të paligjshme dhe klimës së frikës.
Përshëndes me respekt dhe dashuri gratë dhe të rinjtë tanë, heronjtë e vërtetë të luftës sonë për demokraci.
Në këto zgjedhje është shfaqur qartë vullneti i popullit për të ndryshuar pushtetin autoritar, pavarësisht nga të gjitha presionet. CHP dhe Aleanca Kombëtare po luftojnë në të gjitha frontet me të gjithë elementët e tyre. Ne do të vazhdojmë të jemi pionierët e kësaj lufte derisa të vijë demokracia e vërtetë në vendin tonë.
Arsyeja kryesore e trishtimit tim janë problemet që e presin vendin. Unë dua që ju të dini se ne do të qëndrojmë përballë atyre problemve. Dua të shoh 25 milionë qytetarët tanë që më votuan të qëndrojnë në këmbë me moral, rruga jonë vazhdon dhe ne jemi këtu. Respektet e mia për të gjithë ju.”
