Me kupolat e saj kaskadë dhe gjashtë minaret, Xhamia e Sulltan Ahmedit, e njohur gjerësisht si Xhamia Blu jashtë vendit, është një nga xhamitë perandorake osmane në Istanbul dhe një nga monumentet më mbresëlënëse në botë.

 

Xhamia, e cila përfshin elemente klasike osmane dhe disa bizantine, ndodhet pranë Aja Sofias, mbi vendin e hipodromit antik dhe pallatit perandorak bizantin.

 

Pjesa e brendshme e xhamisë, e cila magjeps shumë njerëz, është e veshur me më shumë se 21.043 pllaka qeramike të punuar me dorë dhe më shumë se pesëdhjetë dizajne të ndryshme tulipani. Dekorimet përfshijnë vargje nga Kurani, shumë prej tyre të bëra nga Seyyid Kasim Gubari, i konsideruar si kaligrafi më i madh i kohës së tij.

 

Megjithatë, asnjë nga pjesa e jashtme nuk është e kaltër – emri i Xhamisë Blu vjen nga pllakat e kaltra që zbukurojnë muret e saj të brendshme. Gjashtë minare gjithashtu e bëjnë xhaminë unike pasi shumica e xhamive kishin maksimumi katër minare.

 

Në të njëjtën kohë, ishte e diskutueshme të ndërtohej një xhami me gjashtë minare, sepse vetëm vendi i shenjtë i Mesxhid al-Haram, Xhamia e Madhe në Mekë, kishte gjashtë minare në atë periudhë. Sulltan Ahmeti I e zgjidhi problemin duke shtuar minaren e shtatë në Xhaminë e Madhe.

 

Ndërtimi i xhamisë filloi në vitin 1609 kur Sulltan Ahmet I vendosi të ndërtonte një xhami të madhe e cila do të ishte më e mirë se Aja Sofia. Ai emëroi arkitektin e tij mbretëror Sedefkar Mehmet Aga për të qenë përgjegjës i xhamisë. Ndërtimi zgjati 8 vjet dhe xhamia u hap për adhurim në vitin 1617.

 

Mirëpo, Sulltan Ahmeti I vdiq vetëm një vit pas përfundimit të kryeveprës së tij, në moshën 28-vjeçare dhe u varros jashtë xhamisë me gruan dhe tre djemtë e tij. Ashtu si shumë xhami të tjera, ajo përfshin një varr të themeluesit, një medrese dhe një bujtinë.

 

Xhamia e Sulltan Ahmedit është unike me minaret e saj në Istanbul

 

Xhamia Blu është mjaft e madhe për të pritur mijëra njerëz për të adhuruar. Rreth 20.000 njerëz mund të adhurojnë në xhami në të njëjtën kohë. Xhamia e Sulltan Ahmedit ka 260 dritare. Krahasuar me xhamitë e tjera të ndërtuara nga sulltanët, merr shumë më tepër rreze dielli falë dritareve të saj.”

 

Është gjithashtu një atraksion i njohur turistik i Istanbulit, si dhe një vend adhurimi.

 

Shumë turistë që vizitojnë xhaminë thonë se ajo është e ndryshme nga të tjerat.

 

Xhamia Blu u regjistrua në listën e vendeve të trashëgimisë botërore të UNESCO-s në 1985.