Avokatja e Popullit në Kuvend: Ka ardhur koha të përmirësojmë katalogun e të drejtave të njeriut. Mos të presim anëtarësimin e BE

Avokatja e Popullit, Erinda Ballanca ka kërkuar sot në Kuvend përmirësimin e katalogut të të drejtave të njeriut për ta përafruar atë me standardet e Bashkimit Europian.

Ballanca u shpreh se përmes anëtarësimit në BE, karta e këtij komuniteti do të bëhet automatikisht pjesë e legjislacionit por shtoi se asgë nuk na ndalon për ta miratuar atë paraprakisht.

“Ka ardhur koha të përmirësojmë katalogun e të drejtave të njeriut në vend për ta bërë në linjë me kartën e të drejtave të njeriut në BE sepse ka të drejtat më modern në këtë fushë. Do doja të tregonim një model më të mirë.

Përmes anëtarësimit në BE karta do të bëhet pjesë e legjislacionit por asgjë nuk na ndalon ta miratojmë paraprakisht. Kjo do të ishte kërkesa ime kryesore për Kuvendin në vitin në vijim”, deklaroi Ballanca.