Shqipëria vijon të mbetet në listën gri për pastrimin e parave.
Raporti i MoneyVal, institucionit në varësi të komisionit europian, tregon se vendi ka bërë progres, por jo mjaftueshëm për të dalë nga lista që e rrezikon vendin nga fenomeni i pastrimit të parave.
Nga 40 kritere që përdor MoneyVal për të vlerësuarin kuadrin e pastrimit të parave në një shtet, Shqipëria renditet është në përputhje në 6 prej tyre. Për 31 kritere të tjera vendi renditet përgjithësisht në përputhje, në 2 kritere renditja është pjesërisht në përputhje, ndërsa 1 kriter nuk është marrë në vlerësim. Nga raporti i fundit vendi ka rritur përputhshmërinë në vetëm dy kritere: transparenca dhe pronësia përfituese e marrëveshjeve ligjore dhe rregullimi dhe mbikëqyrja e bizneseve dhe profesionet jofinanciare.
Vendi zbriti në listën gri në 2018-ën dhe që ajo nga periudhë janë bërë katër raporte monitorimi për të parë progresin si dhe për të lënë detyra konkrete për tu zbatuar. Deri më tani disa nga nismat më të rëndësishme që qeveria ka marrë është ligji për pronarët përfitues dhe për krijimin e regjistrit për llogaritë bankare.
Ndërkohë në parlament ka një projektligj të ri që synon ta kthejë Drejtorinë e Parandalimit dhe Pastrimit të Parave në një agjenci në varësi të këshillit të ministrave duke i dhënë më shumë kompetenca. Gjithashtu synohet një politikë e re pagash për agjencinë që do formohet, pasi institucioni ka vërejtur se 35% e dorëheqjeve nga puna kanë qenë për arsye të pagave të ulëta.
Ndërkohë me ligjin e ri synohet që agjencia të përfitojë aksese të reja për të gjurmuar transkasionet që bëhen në kriptovaluta, si një rrezik i ri që vjen për ekonominë tonë dhe një rekomandim i hershëm nga MoneyVal.
