Një faqe “GoFund me” e hapur për oficerin e policisë që qëlloi Nahelin ka mbledhur më shumë se 738,718 €.
Faqja u krijua nga Jean Messiha, një ish politikan që mbështeti Eric Zemmour, një kandidat presidencial i ekstremit të djathtë, në Francë.
Paratë u mblodhën për policin me pretendimin se ai “ka bërë punën e tij dhe tani po paguan një çmim të lartë”.
Lidhur me këtë ka reaguar edhe gjyshja e 17-vjeçarit, që u qëllua për vdekje nga polici. Ajo tha se “zemra e saj është në dhimbje” për paratë e dhuruara për oficerin.
