Në kundërshtim të veprimeve të fundit të qeverisë, një grup i qytetarëve ka thirrur protestë të shtunën në Prishtinë.
Në një njoftim, i cili po shpërndahet në rrjete sociale, thuhet se kjo protestë është kundër koordinimit të Qeverisë me Millan Radojçiçin, të dyshuarin për krime të ndryshme në Kosovë.
Sipas këtij njoftimi, protesta do të mbahet nesër në sheshin “Skënderbeu”, duke filluar nga ora 18: 00.
“Qeveria e Kosovës nuk po tërhiqet na veprimet skandaloze. Prandaj, të shtunën më 15 korrik protestojmë të gjithë kundër skandaleve qeveritare, kundër koordinimit me Millan Radojçiçin! Kundër shkeljes së të drejtave të luftëtarëve të UÇK-së”, thuhet në njoftim.
Gjithashtu, aty përmendet se në protestë do të kërkohet nga Mimoza Kusari-Lila ta dorëzojë mandatin e saj të deputetes.
“Mioza Kusari, duhet ta dorëzojë mandatin. Një politikane që është zënë duke u koordinuar me Milan Radojçiçin, kundër luftërave të UÇK-së nuk duhet të jetë pjesë e Kuvendit të Kosovës”, thuhet në njoftim.
