Shpresat nuk shuhen në Kahramaras! Pas 88 orësh nën rrënoja, dy persona janë nxjerrë të gjallë nga ekipet e kërkim shpëtimit këtë mbrëmje.
Me temperaturat nën zero gradë, familjarët qëndrojnë në pritje pranë gërmadhave ku ndodhen të afërmit e tyre.
Çdo minutë nxirren trupa të pajetë nga rrënojat, ndërsa pas kaq orësh, mundësitë për të ndjerë rrahje zemre nën gërmadha janë gjithnjë e më të ulëta.
Presidenti turk Rexhep Tajip Erdogan në përditësimin e fundit tha se 16,546 njerëz u vranë në vendin e tij dhe më shumë se 66,000 u plagosën. Në anën siriane të kufirit, janë raportuar 3,577 të vdekur dhe më shumë se 6,300 të plagosur.
