Zjarri në pyllin me Pisha në Peshtan të Fierit, ka dalë jashtë kontrollit duke zbritur në fshatin Kraps.
Si pasojë janë pushtuar nga flakët disa shtëpi të këtij fshati.
Është dita e tretë që Peshtani po lufton me shuarjen e flakëve, që kanë përfshirë pyllin me pisha dhe që janë përhapur më gjerë.
Forcat zjarrfikëse kanë vijuar punën për shuarjen e zjarrit, ndërsa dje i erdhi në ndihmë edhe një helikopter nga ajri.
Terreni i vështirë dhe e era e ka bërë edhe më të vështirë shuarjen e zjarreve.
