Një çift në Bengalin Perëndimor të Indisë kanë rrëfyer se kanë shitur fëmijën e tyre tetëmuajsh për të blerë një iPhone për të bërë REELS për mediat sociale.
Fqinjët në zonën e Panihati Gandhinagar u bënë dyshues pasi çifti bleu telefonin e shtrenjtë dhe udhëtoi nëpër Bengalin Perëndimor për të xhiruar video, ndërsa foshnja e tyre dukej se mungonte. Kur u morën në pyetje, çifti pranoi se ia kishin shitur foshnjën një gruaje në një fshat aty pranë.
Të quajtur si Jaydev dhe Sathi, çifti gjithashtu u përpoq të shiste vajzën e tyre shtatëvjeçare fundjavën e kaluar, sipas këshilltarit lokal Tarak Guha.
Pas rrëfimit të tyre, Sathi dhe gruaja që bleu foshnjën u arrestuan, ndërsa Jaydev arriti të arratisej dhe po kërkohet nga policia. Stacioni i medias lokale News9Live raportoi se foshnja gjithashtu është gjetur dhe është shpëtuar nga autoritetet.
