Nisja e misionit hapësinor të SpaceX për të transportuar kolonelin turk Alper Gezeravcı dhe tre astronautë të tjerë në Stacionin Ndërkombëtar të Hapësirës (ISS) është shtyrë për një ditë dhe do të realizohet të enjten.

“Koha shtesë i lejon ekipet të kryejnë kontrollet para nisjes dhe analizën e të dhënave në mjet”, tha SpaceX në një deklaratë.

Katër udhëtarë hapësinorë nga Türkiye, Spanja, Italia dhe Suedia do të kryejnë mbi 30 eksperimente dhe demonstrime shkencore në Stacionin Ndërkombëtar të Hapësirës si pjesë e misionit Ax3.

Misioni fillimisht ishte planifikuar për 9 janar, por për shkak të motit të keq, ai u shty për më 17 janar.

Nisja do të kryhet nga SpaceX në Florida me raketën e saj Falcon9./aa