Türkiye dhe Irani janë dakord për rëndësinë e shmangies së hapave që do të kërcënonin më tej sigurinë dhe stabilitetin e rajonit, tha sot presidenti turk Recep Tayyip ErdoÄŸan.
“Ne diskutuam nevojën për t’i dhënë fund sulmeve çnjerëzore të Izraelit ndaj Gazës dhe për të ndërmarrë hapa urgjentë drejt vendosjes së një paqeje të drejtë dhe të qëndrueshme”, tha ErdoÄŸan në një konferencë të përbashkët shtypi me homologun e tij iranian Ebrahim Raisi pas takimit të tyre në Ankara.
Duke kujtuar se Türkiye ka dërguar mbi 30.000 tonë ndihma humanitare për palestinezët në portin Al-Arish në Egjiptin verilindor, duke përfshirë 26.000 tonë miell, që nga 7 tetori, ErdoÄŸan tha: “Ne përsëritëm mbështetjen tonë për kauzën e drejtë të Palestinës dhe riafirmuam angazhimin tonë për të vazhduar bashkëpunimin për këtë çështje”.
Të dy presidentët gjatë takimit kanë shkëmbyer mendime edhe për zhvillimet e fundit në Palestinë, Siri, Irak, Afganistan dhe Kaukazin e Jugut, njoftoi ErdoÄŸan.
“Çështja palestineze është në fokusin e Türkiyes dhe Iranit”, shtoi ai.
Presidenti turk tha se ka diskutuar me homologun iranian rëndësinë e forcimit të mëtejshëm të bashkëpunimit kundër grupeve terroriste PKK/PYD/YPG dhe PJAK./aa
