Bashkimi Evropian njoftoi se pret nga Izraeli zbatimin “të plotë, të menjëhershëm dhe efektiv” të vendimit të Gjykatës Ndërkombëtare të Drejtësisë (GJND).
“Ne marrim parasysh urdhrin e sotëm të Gjykatës Ndërkombëtare të Drejtësisë për kërkesën e Afrikës së Jugut për të treguar masat e përkohshme”, thuhet në një deklaratë të përbashkët nga shefi i politikës së jashtme të BE-së dhe Komisionit Evropian.
Duke rikonfirmuar mbështetjen për gjykatën më të lartë të OKB-së, në deklaratë thuhet: “Urdhrat e Gjykatës Ndërkombëtare të Drejtësisë janë të detyrueshme për palët dhe ato duhet t'i zbatojnë ato. BE pret zbatimin e tyre të plotë, të menjëhershëm dhe efektiv”.
“E drejta e secilës palë për të paraqitur argumente në lidhje me juridiksionin, pranueshmërinë ose meritat mbetet e paprekur nga vendimi i sotëm mbi kërkesën e Afrikës së Jugut për të treguar masat e përkohshme”, thuhet gjithashtu në deklaratë.
Deklarata e përbashkët erdhi pasi GJND-ja urdhëroi Izraelin që "të marrë të gjitha masat brenda fuqisë së tij" për të parandaluar gjakderdhjen e mëtejshme në Gaza në përputhje me detyrimet e Konventës së Gjenocidit, por nuk urdhëroi një armëpushim.
Gjykata gjithashtu urdhëroi Izraelin të marrë masa "të menjëhershme dhe efektive" për të mundësuar ofrimin e shërbimeve bazë të nevojshme urgjente dhe ndihmës humanitare në Rripin e Gazës./aa
