Grupi i rezistencës palestineze Hamasit mirëpriti urdhrin e përkohshëm të Gjykatës Ndërkombëtare të Drejtësisë (GJND) për Izraelin.
Në një deklaratë, grupi Hamas tha se urdhri i lëshuar nga gjykata e lartë e OKB-së nënkupton "ndalimin e të gjitha formave të agresionit izraelit ndaj popullit tonë palestinez në Gaza".
Ai i kërkoi komunitetit ndërkombëtar të detyrojë Izraelin të zbatojë vendimin e GJND-së dhe të ndalojë "krimin e tij të gjenocidit" të vazhdueshëm kundër palestinezëve në Gaza.
Grupi gjithashtu tha se është në pritje të vendimin përfundimtar mbi çështjen e gjenocidit të paraqitur nga Afrika e Jugut kundër Izraelit.
GJND-ja urdhëroi Izraelin që "të marrë të gjitha masat brenda fuqisë së tij" për të parandaluar gjakderdhjen e mëtejshme në Gaza në përputhje me detyrimet e Konventës së Gjenocidit, por nuk urdhëroi një armëpushim.
Gjykata gjithashtu urdhëroi Izraelin të marrë masa "të menjëhershme dhe efektive" për të mundësuar ofrimin e shërbimeve bazë të nevojshme urgjente dhe ndihmës humanitare në Rripin e Gazës./aa
