Mediat izraelite njoftuan se autoritetet lokale në Rajonin e Madh të Tel Avivit po shqyrtojnë hapjen e strehimoreve pasi Irani kërcënoi se do t'i përgjigjej "bombardimit izraelit" të ndërtesës së konsullatës së tij në kryeqytetin e Sirisë, Damask.
Në lajmet në faqen "Walla" me bazë në Izrael, thuhet se pas tensioneve të sigurisë, shumë autoritete lokale në Gush Dan (Zona e Madhe e Tel Avivit) po mendojnë të hapin strehimoret sonte.
Sipas televizionit "Channel 12", ish-drejtori i Drejtorisë së Inteligjencës Ushtarake të Izraelit (AMAN) Amos Yadlin tha: "Nuk do të habitesha nëse Irani lëshon një raketë direkt në Izrael".
"Hezbollahu mund të ketë marrë urdhër për të filluar luftën të premten e fundit të Ramazanit, saktësisht pas dy ditësh", tha Yadlin.
Gazeta "Maariv" raportoi se Forcat Ajrore izraelite janë vënë në gatishmëri të lartë për shkak të mundësisë që Irani të hakmerret së shpejti.
Komentatori ushtarak i "Channel 13", Alon Ben David tha: "Izraeli është i vetëdijshëm se iranianët janë më të vendosur për t'u përgjigjur këtë herë se herët e mëparshme".
Ushtria izraelite njoftoi dje se do të thërriste ushtarë rezervë për të forcuar mbrojtjen e saj ajrore pas sulmit ajror në ndërtesën e konsullatës iraniane në Damask më 1 prill.
Izraeli kreu sulm ajror në ndërtesën e konsullatës në kampusin e ambasadës së Iranit në Damask më 1 prill. Në sulm u vranë 7 anëtarë të Ushtrisë së Gardës Revolucionare iraniane, përfshirë 2 gjeneralë.
Irani njoftoi se do të hakmerrej shpejt kundër sulmit dhe mbante përgjegjëse SHBA-në për incidentin. Qeveria e Tel Avivit nuk ka marrë zyrtarisht përgjegjësinë për sulmin në ndërtesën e konsullatës iraniane në Damask./aa
