Në protestë kundër rritjes së kostos së jetesës dhe pagave relativisht të ulëta, gazetarët grekë dolën sot në grevë për 24 orë.
Nuk ka asnjë lajm në radio dhe televizion.
As portalet e lajmeve në internet nuk i kanë përditësuar faqet e tyre të internetit.
“Ne po përjetojmë një sërë rritjesh të njëpasnjëshme shpërthyese çmimesh që po krijojnë një situatë dërrmuese për familjet që po u shkatërrohen të ardhurat”, tha shoqata më e madhe e gazetarëve ESIEA.
Nesër nuk do të publikohet asnjë gazetë për shkak të grevës.
Inflacioni në Greqi ishte 3,2% në mars.
Gazeta e përjavshme e Athinës ”To Vima” llogariti se në Greqi duhet të paguash 50 euro për produkte që kushtonin 37 euro dy vjet më parë./ata
