Ashtu si qindra shqiptar, Nikoll Gjurkola në kërkim të një jete më të mirë vendosi që së bashku me familjen të largohet drejt Gjermanisë, pasi banesa e tij ishte shembur ne fshatin Berishë të Fushë Arrëzit e jeta e tij gdhihej e ngrysej mes dilemës për të ardhmen e tij në një strehëz ku ishte lejuar të jetonte përkohësisht nga një i afërm i tij në thellësitë e maleve të veriut shqiptar.

Por jeta dhe ne Gjermani nuk ishte ashtu siç thuhej. Në mungesë të një vendi pune, në pamundësi për të paguar qerat marramendëse, ai vendosi të dorëzohet në azil, ku i refuzohet qëndrimi dhe kthehet në Shqipëri tashme me shpresa të shuara për të ardhmen.

Me largimin drejt Gjermanisë kempi i paaftësisë prej 12 mije leke ju ndërpre e tashme kur është kthyer ai nuk ka asnjë të ardhur. Sikur te mos mjaftonte kjo banesa e të afërmit ku u strehua para largimit tashme nuk mund të jetë serish në përdorim te tij.

Në momentin që u largua nga Shqipëria djali i madh i familjes ndërpreu shkollën në klasën e parë e ndonëse tashme po shkon 9 vjeç ai serish nuk është regjistruar për të vijuar shkollën.

Familja Gjurkolaj e mbetur në mëshirë të fatit tashmë shpreson për një strehëz teksa largimi drejt Gjermanisë dhe kthimi pas rreth një viti duket se e ka renduar situatën aq sa për ta nuk ka një rrugëdalje, e kjo familje rrezikon shpërbërjen nëse nuk ka një dorë ndihme./BalkanWeb