Ministria e Punëve të Jashtme të Sudanit njoftoi se numri i të vrarëve nga sulmet e Forcave të Mbështetjes së Shpejtë (HDK) në fshatin Ved en-Nora të provincës Jazira në pjesët qendrore të vendit u rrit në 180.

"Masakra e tmerrshme e kryer nga milicia e HDK-së në fshatin Ved en-Nora të shtetit Jazira u kushtoi jetën më shumë se 180 fshatarëve të paarmatosur, përfshirë fëmijë dhe gra. Masakra në Ved en-Nora shkon përtej krimeve të grupeve terroriste të njohura ndërkombëtarisht", thuhet në deklaratën e ministrisë.

Më tej theksohet se "kjo është për shkak të reflektimeve të mosveprimit të bashkësisë ndërkombëtare ndaj HDK-së dhe mercenarëve të saj të huaj".

"Kjo është e ngjashme me qasjen e ndjekur në masakrat gjenocidale në Ruandë në vitin 1994. Kjo masakër duhet të jetë një pikë kthese në këndvështrimin e komunitetit ndërkombëtar për HDK-në. Ata duhet të shihen si organizatë terroriste që përbën kërcënim për të gjithë njerëzimin", potencon ministria në deklaratën e saj.

- Lufta civile në Sudan

Lufta për pushtet midis ushtrisë dhe HDK-së, e cila organizoi grusht shteti të përbashkët kundër qeverisë së formuar me pjesëmarrjen e civilëve pas sundimit 30-vjeçar të Omar al-Bashirit në Sudan u përmbys nga një kryengritje popullore, vazhdon për më shumë se një vit.

Në luftën që filloi në mesin e prillit 2023 dhe vazhdon në shumicën e shteteve të Sudanit, ushtria ruan dominimin e saj në shtetet veriore dhe lindore ndërsa HDK në shtetet perëndimore dhe jugore.

Bisedimet në Xheda të ndërmjetësuara nga Arabia Saudite dhe SHBA-ja, të cilat u iniciuan për t'i dhënë fund luftës, iniciativa e paqes e vendeve fqinje të Sudanit e udhëhequr nga Egjipti, përpjekjet e Autoritetit Ndërqeveritar të Zhvillimit në Afrikën Lindore dhe bisedimet e zhvilluara në Manama të Bahreinit, mbetën pa rezultat.

Sipas OKB-së, më shumë se 16 mijë njerëz humbën jetën, rreth 8.7 milionë njerëz u zhvendosën dhe më shumë se 25 milionë njerëz kanë nevojë për ndihmë humanitare si rezultat i konfliktit në Sudan, ku është kriza më e madhe e shpërnguljeve dhe urisë në botë./aa