Austria u kualifikua në fazën e 1/16-tave të Euro2024, falë fitores së saj ndaj Holandës 3-2, sonte në Berlin për ndeshjen e tretë dhe të fundit në Grupin D.
Me dy fitore dhe gjashtë pikë, djemtë e Ralf Rangnick përfunduan në vendin e parë në grup, përpara Francës (5 pikë) dhe Holandës (4 pikë).
Ndërkohë, Holanda kualifikohet si një nga katër skuadrat më të mira të vendit të tretë.
Holandezët kanë fituar titullin e tyre të vetëm madhor në Gjermani në vitin 1988, por duken larg asaj forme edhe pse humbja befasuese në Berlin i sheh ata ende si një ekip i dobët.
Marcel Sabitzer shënoi golin e fitores në minutën e 80-të, pasi Cody Gakpo në të 47-ën dhe Memphis Depay në të 75-ën kishin anuluar dy herë epërsinë austriake nga autogoli i Donyell Malen në minutën e gjashtë dhe Romano Schmid në minutën e 59-të.
Ndërkohë, një Francë, tashmë e kualifikuar për 1/16 e finaleve të Euro2024, barazoi sonte me Poloninë 1-1.
Blutë, të cilët shënuan golin e tyre të parë në këtë kompeticion me një penallti nga Kylian Mbappe (55′), që u rikthye në fushë pasi theu hundën, gjithashtu pësuan gol nga polakët po me penallti, e shënuar nga Robert Lewandowski (79′).
Franca përfundoi në vendin e dytë në Grupin D, pas Austrisë./ata
