Ndonëse Ben Affleck dhe Jennifer Lopez deri më tani nuk kanë folur hapur dhe nuk kanë dhënë asnjë komënt mbi thashethemet e ndarjes, duket se gjithçka që po ndodh na çon pikërisht atje.
Mësohet se cifti ka nxjerrë në shitje rezidencën e tyre prej pesë hektarësh në Beverly Hills, duke kërkuar 68 milionë dollarë. Shtëpia përfshin 12 dhoma gjumi dhe 24 banja. Çmimi i saj është rritur rreth 8 milionë nga origjinali.
Sipas njoftimit, shtëpia është rinovuar në katër muajt e fundit. Përveç kësaj, Affleck ka një apartament nën çati të veçantë prej 5000 metrash katrorë, një shtëpi kujdestari, një tjetër shtëpi me dy dhoma gjumi, një garazh të gjerë që mund të vendosë deri në 12 makina dhe parkim për 80 të tjera. Sa i përket dhomave të rekreacionit, rezidenca përfshin një palestër të pajisur plotësisht, një ring boksi, një bar dhe një fushë basketbolli.
Çifti kaloi dy vjet duke kërkuar për ‘folenë e dashurisë’ të përsosur përpara se të gjenin më në fund pronën në maj 2023.
Lopez dhe Affleck thuhet se e blenë shtëpinë për 60.85 milionë dollarë. Pavarësisht se ata shpenzuan një shumë të madhe parash, Affleck thuhet se nuk e ka pëlqyer kurrë shtëpinë, pasi ishte larg fëmijëve të tij, sipas një burimi pranë tij.
Gjithashtu ylli latin, JLO thuhet se muajt e fundit ka jetuar vetëm në këtë shtëpi, që kur nisën problemet mes tyre, ndërsa Affleck filloi të kërkonte një shtëpi tjetër.
Në maj, Affleck më në fund u zhvendos në një pronë me qira rreth 30 minuta nga shtëpia e tyre në Beverly Hills./GazetaShqiptare
