Operatori i Shpërndarjes së Energjisë Elektrike (OSHEE) bën të ditur se niveli i humbjeve në shpërndarjen e energjisë në rrjet, zbriti në 17.97 % në fund të qershorit të këtij viti nga 45 % që ishte në vitin 2013.
Sipas OSHEE-së, ulja e nivelit të humbjeve në rrjet vjen jo vetëm si rezultat i investimeve në rrjet dhe teknologji, por edhe i menaxhimit në terren, organizimit të strukturave dhe kontrolleve të vazhdueshme për formalizimin e mëtejshëm të sektorit energjetik.
OSHEE informoi se në të njëjtën periudhë të një viti më parë niveli i humbjeve ishte 19.88%, çka tregon se kemi një reduktim me 1.91 %.
Humbjet e 6-mujorit të parë të vitit 2024 janë afro 71 900 MWh më pak se në të njëjtënn periudhë 2023.
Nëse do ta llogarisim me çmimin e tregut, eficenca e reduktimit të humbjeve kap vlerën rreth 5 milionë euro.
Ndërkohë norma e arkëtimit përgjatë periudhës janar-qershor llogaritet 98.5 %. Në të njëjtën periudhë të vitit 2023 ishte 97.1 %./ata
