Ministri i Mbrojtjes dhe Prodhimit Ushtarak i Egjiptit, gjenerali Abdel Meguid Sakr dhe shefi i shtabit gjeneral Ahmed Khalifa zhvilluan bisedime të enjten në Kajro me shefin e Shtabit të Përgjithshëm të Mbrojtjes Kombëtare të Greqisë, gjeneralin Dimitrios Choupis.
Në njoftimin e ushtrisë egjiptiane thuhet se Sakr u takua me Choupis dhe delegacionin e tij shoqërues, të cilët aktualisht janë duke vizituar Egjiptin. Megjithatë, kohëzgjatja dhe agjenda e vizitës nuk u specifikua.
Diskutimet u fokusuan në “bashkëpunimin ushtarak midis forcave të armatosura të dy vendeve në fusha të ndryshme, duke mbështetur përpjekjet për të rritur sigurinë dhe stabilitetin në rajon”.
Në një takim të veçantë, shefat e shtabit të ushtrive egjiptiane dhe greke diskutuan "disa çështje me interes të ndërsjellë, në dritën e forcimit të marrëdhënieve ushtarake midis forcave të armatosura egjiptiane dhe greke", shtohet në njoftim.
Khalifa shprehu vlerësimin e tij për partneritetin e thellë midis forcave të armatosura egjiptiane dhe greke, duke theksuar rëndësinë e koordinimit të përpjekjeve dhe shkëmbimit të ekspertizës midis ushtrive të dy kombeve.
Sipas njoftimit egjiptian, Choupis theksoi angazhimin e Greqisë për thellimin e lidhjeve ushtarake me Egjiptin, duke e shprehur optimizmin e tij për rritjen e bashkëpunimit në të ardhmen.
Në takime ishin të pranishëm disa zyrtarë të lartë ushtarakë nga të dy vendet, thuhet në njoftim./TRT
