Kryeministrja italiane Giorgia Meloni ka folur së fundmi në lidhje me kampin e refugjatëve në Shëngjin dhe Gjadër.
Bota i ka sytë tek ne, ka thënë kryeministrja italiane Meloni ndërsa ka shtuar se qendra do të jenë funksionale brenda pak javësh, ndonëse nuk ka specifikuar një datë.
Gjithashtu Meloni ka thënë se të gjithë duhet ta kuptojnë se kjo nismë mund të ndryshojë tërësisht mënyrën e qeverisjes së emigracionit të parregullt. Sipas saj, profesionistët e emigracionit të parregulluar e kuptojnë dhe ata do të bëjnë gjithçka për t'i vënë shkopinj nën rrotat kësaj nisme.
"Brenda pak javësh do të jetë gati Protokolli me Shqipërinë dhe duhet të jemi shumë të kujdesshëm dhe skrupuloz ndaj këtij projekti sepse sytë e botës i kemi të përqendruar tek ne.
Të gjithë e kuptojnë se kjo nismë mund të ndryshojë tërësisht mënyrën e qeverisjes së emigracionit të parregullt. Ne e kuptojmë dhe profesionistët e emigracionit të parregulluar e kuptojnë dhe ata do të bëjnë gjithçka për t'i vënë shkopinj nën rrotat kësaj nisme",- ka thënë
Sipas marrëveshjes me Italinë të nënshkruar mes dy qeverive më 6 nëntor 2023, porti i zbarkimit të refugjateve nga vendet e treta do të jetë Shëngjini, ku është ngritur qendra pritëse, ndërsa në Gjadër po ndërtohet kampi ku emigrantët do të qëndrojnë deri në shqyrtimin e kërkesave për azil.
Kapaciteti maksimal është 3 mijë emigrantë në muaj dhe në përfundim të procedurave të vlerësimit autoritetet italiane do të largojnë me shpenzimet e tyre refugjatet nga territori shqiptar.
Në qershor 2024 Kryeministrja e Italisë, Giorgia Meloni erdhi vetë nga Italia në Lezhë për të parë nga afër dy kampet në Gjadër e Shëngjin ku do të qëndrojnë emigrantët që do të shpëtohen në det. Ajo u shoqërua nga kryeministri Rama i cili reagoi i indinjuar ndaj investigimit të Rai 3 për këtë marrëveshje duke dëmtuar imazhin e Shqipërisë./Tema
