Ka përfunduar mbledhja e Grupit Parlamentar të Partisë Socialiste.Gazetari Ergys Gjençaj raporton për News24 se një nga çështjet e trajtuara është rendi i ditës së seancës së ardhshme parlamentare, e cila do të nisë me interpelancën e thirrur nga kreu i Grupit Parlamentar të PD Gazment Bardhi.
Burime nga grupi bëjnë me dije se me shumë gjasë i pranishëm në interpelancë do të jetë vetë kreu i qeverisë Rama, megjithatë nuk përjashtohet mundësia e delegimit, çka rregullorja ia njeh ministrit të Shtetit për Marrëdhëniet me Parlamentit, post që momentalisht e mban Taulant Balla./BalkanWeb
