Kryeministri i Hungarisë, Viktor Orban tha se stabiliteti në vendet e Ballkanit Perëndimor ka rëndësi jetike për Bashkimin Evropian (BE).
Orban u takua Budapest të Hungarisë me Milorad Dodikun, presidentin e Republikës Sërpska një nga dy entitetet në Bosnjë e Hercegovinë.
Pas takimit në një postim në llogarinë e tij në rrjetet sociale, Orban tha se "Stabiliteti në Ballkanin Perëndimor ka rëndësi jetike për BE-në".
Më tej Orban theksoi se "Në vend të leksioneve dhe sanksioneve ne besojmë në dialog dhe bashkëpunim. Takimi im me Dodikun u mbajt për këtë qëllim".
Dodik në postimin në llogarinë e tij në rrjetet sociale tha se ka patur një takim shumë produktiv me "një burrë shteti dhe mik të madh". "Hungaria interesohet nga afër për proceset e anëtarësimit në BE të të gjitha vendeve të Ballkanit Perëndimor", tha ai./aa
