Kryeministri grek, Kyriakos Mitsotakis, ka kritikuar Berlinin për vendimin e tij në fillim të kësaj jave për të pezulluar Shengenin në kufijtë e tij tokësor.
“Kjo (çështja e emigracionit) po e mban të zënë Gjermaninë, por përgjigja nuk mund të jetë shfuqizimi i njëanshëm i traktatit të Shengenit. Hedhja e topit në vende të tjera nuk mund të tolerohet”, tha Mitsotakis në një intervistë për transmetuesin ‘Talk Radio’.
Ai mbrojti qëndrimin se Greqia ka bërë pjesën e saj në ruajtjen e kufijve të saj, që në mënyrë efikase janë edhe kufijtë e Bashkimit Evropian (BE), përmes “një politikë të rreptë, por të drejtë të emigracionit”.
“Kjo politikë pati efektin e reduktimit të hyrjes së emigrantëve në kufi dhe duke normalizuar situatën në ishuj. Ne dërguam një mesazh se trafikantët nuk janë nën kontroll”, tha kryeministri grek.
Të hënën, ministrja e Punëve të Brendshme e Gjermanisë, Nancy Faeser, njoftoi se vendi do të rivendosë kontrollet në të gjithë kufijtë tokësor për të frenuar emigrimin e parregullt.
Të martën, kryeministri polak, Donald Tusk, kritikoi Gjermaninë për këtë veprim, duke theksuar se “veprime të tilla janë të papranueshme nga këndvështrimi polak”./aa
