Kryetarja e Bashkisë së Durrësit, Emiriana Sako, bën të ditur miratimin e vendimeve të rëndësishme në mbledhjen e Këshillit Bashkiak
Në një mbledhje të fundit të Këshillit Bashkiak të Durrësit, u miratuan disa vendime kyçe për qytetin dhe banorët e tij. Kryetarja e bashkisë, Emiriana Sako, njoftoi: Rritja e pagave për punonjësit arsimorë dhe jo-arsimorë: U miratua detajimi i fondeve të alokuara nga buxheti i shtetit për të rritur pagat e punonjësve në institucionet arsimore dhe ato plotësuese të sistemit parauniversitar, si dhe të punonjësve të shërbimit të mbrojtjes nga zjarri dhe shpëtimi.
Legalizimi i ndërtimeve pa leje: U miratua gjithashtu një marrëveshje bashkëpunimi midis Agjencisë Shtetërore të Kadastrës (ASHK) dhe Bashkisë Durrës për përfundimin e proceseve kalimtare të pronësisë. Ky bashkëpunim synon trajtimin me prioritet të procedurave administrative për legalizimin e ndërtimeve pa leje në zonat e zhvillimit urban dhe zonat informale të banimit.
Këto vendime përfaqësojnë hapa të rëndësishëm në mbështetjen e punonjësve dhe në përmirësimin e kushteve të jetesës për qytetarët e Durrësit./ata
