Shefi i NATO-s, Jens Stoltenberg thotë se raundi i radhës i bisedimeve në Ohër është shumë i rëndësishëm dhe pret që Kurti me Vuçiçin të angazhohen për të bërë përparim.
“Bisedimet e ndërmjetësuara nga BE në Ohër janë të rëndësishme dhe unë pres nga Aleksandër Vuçiç dhe Albin Kurti që të angazhohen në mënyrë konstruktive dhe për të bërë përparim. Ky është çelësi për stabilitetin e qëndrueshëm dhe të ardhmen evropiane dhe euroatlantike të rajonit. NATO vazhdon të punojë për një Kosovë stabile dhe paqësore”, shkroi Stoltenberg në Twitter.
