Hungaria ka thirrur ambasadoren e Gjermanisë në Budapest për të protestuar ndaj deklaratave të saj ku ajo u kërkoi hungarezëve të ruajnë marrëdhëniet e tyre qeveritare me Bashkimin Evropian (BE) dhe NATO-n.
“Në fjalimin e djeshëm, ambasadorja gjermane ndërhyri seriozisht në punët e brendshme të Hungarisë, duke shkelur sovranitetin e vendit. Respekti pritet nga ambasadorët që shërbejnë në vendin tonë në çdo rast, ndaj fjala e ambasadores është krejtësisht e papranueshme”, shkroi në rrjetet sociale Peter Szijjarto, ministri hungarez i Punëve të Jashtme.
Szijjarto njoftoi se pasditen e sotme ambasadorja gjermane është thirrur në Ministrinë e Punëve të Jashtme.
Mbrëmë vonë, ambasadorja gjermane, Julia Gross, foli kundër veprimeve që ajo pretendonte se po minojnë besimin e Hungarisë në BE dhe NATO.
“Hungaria është në një rrugë që po e largon atë nga miqtë e saj”, tha ambasadorja Gross në një ngjarje të organizuar për të përkujtuar Ditën e Unitetit Gjerman.
Ajo gjithashtu kritikoi qeverinë hungareze për “marrëzitë rreth pranimit të Finlandës dhe Suedisë në NATO”./aa
