Presidenti turk Recep Tayyip Erdoğan do të shkojë sot për një vizitë dyditore në Serbi dhe në shenjë mirëseardhjeje në rrugët e Beogradit tashmë janë vendosur flamuj turq dhe serbë.
Presidenti turk Erdoğan ka mbërritur sot për një vizitë zyrtare në Shqipëri dhe pas vizitës në Tiranë, ai do të udhëtojë në Serbi, ku do të bisedojë me homologun e tij serb Aleksandar Vuçiq dhe do të marrë pjesë në një seancë të Këshillit të Lartë për Bashkëpunim mes dy vendeve dhe në një forum biznesi.
Erdoğan pritet të arrijë në Beograd sonte, ku do të pritet në aeroportin Nikolla Tesla.
Nesër, ai do të takohet me presidentin serb Vuçiq në Pallatin e Serbisë, ku do të organizohet pritje solemne.
Më pas do të mbahet seanca e katërt e Këshillit të Lartë për Bashkëpunim Serbi-Türkiye, i cili do të kryesohet nga Erdoğan dhe Vuçiq.
Po ashtu është planifikuar nënshkrimi i marrëveshjeve dypalëshe, me prezencën e dy presidentëve, të cilët më pas do të flasin para mediave.
Dy presidentët po ashtu do të marrin pjesë në një forum biznesi./aa
