Kryeministri suedez Ulf Kristersson njoftoi dje se vendi i tij do t’i ofrojë Ukrainës një ndihmë ushtarake me vlerë 6,5 miliardë euro (7 miliardë dollarë), të shpërndara në tre vjet për të shmangur pushtimin rus.
“Kjo mbështetje do të ndihmojë financimin e donacioneve afatgjata të materialeve shtesë ushtarake dhe blerjen e materialeve të reja për furnizim të drejtpërdrejtë nga sektori i mbrojtjes në Ukrainë”, tha Kristersson duke iu drejtuar ukrainasve ndërsa njoftonte paketën e ndihmës në Stokholm.
“Kauza e Ukrainës është kauza e Suedisë”, tha ai në një video të shpërndarë në platformën X.
“Që nga fillimi i pushtimit rus më shumë se dy vjet më parë, Suedia ka ofruar 15 ndihma ushtarake për Ukrainën”, tha Kristersson.
“Ndihma e re e mbrojtjes do të shpërndahet gjatë viteve 2024-2026”, shtoi ai.
Sipas qeverisë në Stokholm, ndihma totale e premtuar ushtarake dhe civile nga Suedia do të rritet në 100 miliardë krona suedeze (9,3 miliardë dollarë).
Presidenti ukrainas Volodymyr Zelensky falënderoi Stokholmin për ndihmën e re. Suedia neutrale iu bashkua NATO-s pas pushtimit rus dhe është një nga mbështetëset më të mëdhaja të Ukrainës./OraNews
