Reshjet e dendura të shiut që shkaktuan katastrofë të përmbytjeve në Spanjë më 29 tetor, vazhdojnë të jenë efektive dhe të shkaktojnë dëme në pjesë të ndryshme të vendit.
Shirat e dendur goditën për herë të fundit qytetin Almeria në rajonin e Andaluzisë në jug të vendit.
Për shkak të reshjeve që janë efektive prej dy ditësh, thuhet se përveç qendrës së qytetit të Almeria janë shembur disa rrugë edhe në zonat Vicar, El Ejido dhe Roquetas de Mar dhe se shumë automjete janë dëmtuar rëndë duke u tërhequr zvarrë nga përmbytja.
Agjencia e ndihmës emergjente e qeverisë autonome të Andaluzisë ka ndërhyrë në rreth 40 vende të prekura nga shirat e dendur dhe se janë shpëtuar 3 persona të bllokuar në automjetet e tyre.
Disa rrugë përreth Almerisë janë mbyllur për qarkullim për shkak të reshjeve të dendura të shiut.
Instituti Meteorologjik Spanjoll (AEMET) paralajmëroi se sot dhe nesër priten reshje të dendura në rajonet e Valencias, Ishujve Balearik dhe Andaluzisë, me një rënie prej 100-120 litra për metër katror.
Në këto rajone është shpallur alarm portokalli, i njohur si "rrezik i rëndësishëm". Në fatkeqësinë e përmbytjeve të 29 tetorit në Spanjë humbën jetën 222 persona.
Në dy paketa ndihme dhe masash paraprake të shpallura një javë larg njëri-tjetrës, qeveria njoftoi se afro 14 miliardë euro do të transferohen për të shëruar plagët e viktimave të fatkeqësive në 78 rrethe dhe qyteza, 75 prej të cilave janë në Valencia si dhe për rindërtimin e rajonit./aa
