Deputetja britanike paraqet një mocion për të dhënë viza të përkohshme të bashkimit familjar për banorët e Gazës

Deputetja e Partisë Laburiste britanike, Rachael Maskell, paraqiti një mocion në parlament për të nisur një program vizash për t'u mundësuar palestinezëve, të afërmit e të cilëve janë në rrezik në Gaza nën sulmet izraelite, të bashkohen përkohësisht me familjet e tyre në Angli.

Në mocionin e dorëzuar në parlament nga Maskell dhe i firmosur nga 24 deputetë, thuhet se deri tani në Gaza kanë humbur jetën mbi 40 mijë palestinezë dhe numri i të plagosurve ka kaluar mbi 100 mijë.

Në mocion theksohet se infrastruktura shëndetësore e Gazës ishte dëmtuar shumë dhe se qasja në shërbimet bazë shëndetësore nuk është e mundur.

Në propozim, kërkohet që të niset "Programi i Vizave Familjare të Gazës", i ngjashëm me programin për Ukrainën, dhe numri i vogël i palestinezëve që jetonin në Britaninë e Madhe dhe që kanë të afërm në Gaza të mund të ribashkohen me familjet e tyre përkohësisht.

Për më tepër, mocioni thoshte se ky program duhet të sigurojë strehë të sigurt për palestinezët, duke i lejuar ata të qëndrojnë në Mbretërinë e Bashkuar derisa situata në rajon të kthehet në normalitet./aa