Njëri nga dy personat e shoqëruar nga policia ditën e djeshme në kuadër të hetimeve për vrasjen e rojes së Top Channel është dhe ish-dhëndri i viktimës.
Sipas Klan News është shoqëruar Roberto Papçi. Ky i fundit, i pyetur nga hetuesit ka mohuar që të ketë lidhje me ngjarjen.
Bashkë me të i shoqëruar është edhe shoku i tij A.Tonaj. Të dy kanë mohuar përfshirjen në ngjarjen e rëndë të një dite më parë.
Të dy u ndaluan dje në Vlorë dhe më pas u dërguan në Drejtorinë e Policisë së Tiranës për t’u marrë në pyetje.
Kujtojmë se në orët e para të mëngjesit të ditës së djeshme u qëllua me breshëri kallashnikovi godina e Top Channel dhe si pasojëe mbeti i vrarë roja i sigurisë, Pal Kola, 60 vjeç.
