Një ngjarje e rëndë ka ndodhur në një shkollë në Beograd, Serbi.
Sipas mediave serbe, ka pasur të shtëna me armë zjarri në shkollën fillore “Vladislav Ribnikar” në Vraçar, rreth orës 8 të mëngjesit të sotëm. Mësohet se një djalë 14-vjeçar ka qëlluar me armë zjarri dhe ka vrarë një roje dhe ka plagosur të paktën katër nxënës, si dhe një mësuese. Studenti u arrestua.
Në vendin e ngjarjes kanë mbërritur ministrat Branko Ruzhiç dhe Danica Grujiçiç, si dhe Veselin Miliç, shef i Departamentit të Policisë për qytetin e Beogradit.
Tre prej nxënësve janë transferuar në Tirsovë, ku njëri prej tyre është në rrezik për jetën, ku i njëjti ka hyrë në sallë të operacionit me lëndime në kokë, ndërsa dy të tjerë janë në terapi intensive.
Policia ka bërë të ditur se i mituri është arrestuar, ndërsa arma që është përdorur dyshohet të jetë e babait të nxënësit.
